2019 йил 8-май куни “Хотира ва қадрлаш” куни муносабати билан Коммунал ва мехнат гигиенаси кафедрасида тадбир ташкиллаштирилди. Тадбирга нафақадаги доцент, Афғон уруши қатнашчиси, биринчи даражали “Меҳнат фахрийси” ордени сохиби Орипхонов Набихон Турахонович азиз мехмон сифатида таклиф қилинди. Набихон Турахонович ўзларининг Тошкент тиббиёт академиясидаги кўп йиллик меҳнат фаолиятларини ёдга олар эканлар, ҳозирги кунда талабалар ва профессор – ўқитувчиларга яратилган имкониятлар ва шароитлар ҳақида алоҳида тўхталиб ўтдилар. Уруш хотиралари ҳақида эслай туриб, ватанимиз бугунги кунда ёрқин келажак сари шиддат билан қадам қўяётганини, ўтган қийинчилик ва тахликали йиллар фақат хотирага айланиб қолишини тилаб эзгу тилак билдирди.
