Toshkent tibbiyot akademiyasida “Zamonaviy sharoitda atrof-muhitni muhofaza qilishning dolzarb muammolari va sog‘liq uchun xavflar” mavzusida Xalqaro ilmiy-amaliy konferensiya bo‘lib o‘tdi. Ushbu anjuman atrof-muhitni muhofaza qilish, ekologik muammolar va inson salomatligiga ta’sir etuvchi omillarni tahlil qilishga bag‘ishlandi.Konferensiya onlayn tarzda zoom platformasi orqali tashkil etildi. Unda Toshkent tibbiyot akademiyasining Kommunal va mehnat gigiyenasi kafedrasi vakillari, I.Ya. Yakovlev nomidagi Chuvashiya Davlat Pedagogika Universiteti mutaxassislari hamda Ostona Tibbiyot Universiteti mas’ullari ishtirok etdilar.Anjuman davomida atrof-muhitni muhofaza qilish, ekologik xavflarning inson salomatligiga ta’siri, mehnat gigiyenasi va kasbiy kasalliklarning oldini olish borasida ilmiy ma’ruzalar tinglandi. Shuningdek, xalqaro hamkorlik doirasida ekologik va sanitariya-gigiyena tadbirlarini takomillashtirish bo‘yicha muhim takliflar ilgari surildi.Mazkur konferensiya atrof-muhit va sog‘liqni saqlash sohasida ilmiy izlanishlarni rivojlantirish hamda xalqaro tajriba almashish uchun muhim platforma bo‘lib xizmat qildi.
